Бранителот на титулата во Лигата на шампионите се засили со уште еден хрватски среден бек. Ловро Јотиќ кој досега беше дел од Еурофарм Пелистер, од следната сезона ќе ги брани боите на Вардар.

Иако се шпекулираше дека можно е „црвено-црните“ да го ангажираат Словенецот Миха Зарабаец од Кил, на крајот се одлучија за 25-годишниот Хрват.

Хрватскиот интернационалец ќе му се придружи на својот сонародник Анте Гаџа кој исто така е меѓу новите засилувања на Вардар, а на позицијата среден бек се наоѓаат уште Мартин Карапалевски и Стефан Крстевски.

Вардарци предводени од тренерот Стефче Алушовски вчера ги добија ривалите во новата сезона од Лигата на шампионите.