Агентот на ѕвездата на Денвер нагетс, Никола Јокиќ, Мишко Ражнатовиќ, најави дека неговиот клиент на лето би требало да стане најдоброплатениот кошаркар во историјата на НБА лигата.

Гостувајќи во подкастот на специјализираната интернет страница „Баскетњуз“, Ражнатовиќ одговори на прашањето кое минатата година го постави новинарот на ЕСПН, Боби Маркс.

Имено, Марк праша дали центарот на Денвер ќе добие нов петгодишен договор според кој ќе има загарантирани 241 милион долари, што би било најголем договор во историјата на НБА лигата.

– Според нашите очекувања, тој договор би требало да биде потпишан уште ова лето. Тоа ќе биде нов максимален договор, кој Јокиќ апсолутно го заслужува – рече Ранњатовиќ.

Моментно, најголем договор во НБА лигата има Јанис Адетокумпо кој од Милвоки бакс за пет години треба да добие 228.2 милиони долари.

Магичната бројка од 200 милиони долари во НБА лигата ја преминуваат само уште тројца кошаркари,  и тоа Расел Вестбрук (206.7 милиони долари), Руди Гобер (205 милиони) и Стеф Кари (201.1 милиони).
Моментно Јокиќ го одработува договорот кој со Денвер го потпиша 2018 година и според кој во наредните пет години ќе инкасира 148 милиони долари.