Откако Афроамериканката Хали Бери ја доби улогата на „The Little Mermaid“, следна во листата се најде Јара Шахиди која ќе ја игра улогата на „Thinker Bell“ во претстојниот римејк на филмот „Peter Pan“. Оригиналниот анимиран филм „Petеr Pan“ својата премиера ја имаше во 1953 година.

Јара Шахиди (20) ќе го игра ликот на „Thinker Bell“. За прв пат во историјата на „Disney“ самовила ќе ја претставува Афроамериканка.

„Ви благодарам за целата љубов. Навистина ми значи. Возбудена сум за следната авантура!“, напиша Јара под оваа слика.  

Шахиди ќе снима заедно со Александер Мoлони и Евер Андерсон кои ќе ги играат Петар Пан и Венди, додека пак Џуд Ло ќе го глуми Капетан Кук.

Дејвид Ловери кој стои зад проектот „Pete’s Dragon“ ќе биде режисер на ова остварување.

Јара Шахиди се прослави по улоги во сериите „Black-ish“ и „Grown-ish“ во продукција на „CBS“.

„Peter Pan“ е еден од многуте проекти на „Disney“ кој беше запрен заради пандемијата на коронавирусот. Истото се случи и со филмот „Тhe Little Mermaid“.

Засега не се знае кога ќе биде закажана премиерата овој филм, но познато е дека тоа ќе биде кино премиера, а не на стримиг сервисот „Disney +“, како што направија со филмот „Mulan“.