Поранешната членка на групата „Спајс грлс“, Викторија Бекам и нејзиниот сопруг, поранешниот фудбалер Дејвид Бекам повторно летуваат во Хрватска, пишува „Јутарњи лист“.

Познатата двојка е забележана на островот Лопуд, а ова е втора година по ред како тие го поминуваат летото покрај Јадранското Море.

Минатата година, тие беа сместени на луксузниот имот „Лопуд 1483“, кој е поранешен францискански манастир, што бароницата Франческа фон Хабсбург го реновирала и сега важи за една од најлуксузните комплекси на Јадранот.

Изнајмувањето на луксузниот комплекс за еден ден чини 10.000 евра за десет лица, а цената на едно ноќевање е околу 1.400 евра.

Ексклузивните фотографии од нивното пристигнување на островот можете да ги погледнете тука.