Иако многу луѓе сѐ повеќе се жалат дека Денот на вљубените стана комерцијален и досаден празник, сепак многу од нас ќе одлучат да направат нешто посебно за својот партнер, па нека е тоа и избор на мал симболичен подарок.

Токму затоа ние решивме да ви помогнеме полесно да се одлучите како пријатно да го изненадите својот партнер тукму за Денот на вљубените.

Сѐ уште имате време да испланирате нешто специјално и посебно, еве неколку наши предлози.

Најпопуларниот подарок за Денот на вљубените секогаш се чоколадните мали задоволства

Црвена кутија со чоколадни бонбони, колачиња и торти во форма на срце се најпопуларен избор за подарок на овој ден. Тоа е симболичен, сладок и досетлив подарок кој сигурно нема да фати прашина на некоја домашна полица. Изборот е голем, а резултатот секогаш ќе измами насмевка, прегратка и топло срце.

Парфем за оној кој сакате да го направите среќен

Парфем е секогаш софистициран и посакуван подарок, без оглед на тоа дали го подарува маж или жена. Сепак бидете претпазливи со изборот на парфемот, обидете се претходно да добиете информација за омилените парфеми на партнерот или партнерката. Така ќе покажете дека добро го/ја познавате, што е важен момент во секоја романтична врска.

Патување или романтичен викенд за двајца

Дури и најголемиот противник на Денот на вљубените нема да одбие романтичен викенд во некој интересен ресорт или спа центар, а можеби и авантуристички мал одмор во зависност од тоа каков тип на партнер имате покрај себе.

Накит за љубителите на луксуз

Не мора да изберете прескапо парче накит или скапоцени камења за да фасцинирате некој кој сака ваков тип на подароци. Може тоа да биде мал, суптилен накит кој секогаш ќе го/ја потсетува на вас. Аксесоарите се подарок кој може подеднакво да ги израдува и мажите и жените, тоа не мора да бида обетки или ѓердан, можете да изберете кожена нараквица, часовник или интересен прстен.

Никогаш доста од цвеќиња за Денот на вљубените

Дури и да не го прославувате Денот на вљубените, еден цвет или букет свежо цвеќе никогаш нема да разочара ниедна жена. Но, да не се двоумите да изберете ваков подарок и за маж, секако доколку вашиот сакан е љубител на саксиски цвеќиња.

Уживање во шише добро вино и романтична вечера

Времето поминато заедно со својата љубов е бесценето. И не само романтичната вечера во ресторан, туку и заедничко готвење може да резултира со прекрасна романтична атмосфера во комбинација со омилената музика, романтичен филм и флаша добро вино.

Подароци за да ја освежите вашата врска

Тука спаѓаат подароци со кои ќе се обидете да ја истражите и освежите својата врска, тоа можат да бидат масла за масажа, интимна козметика или долна облека.

Пресонализирани подароци

Секогаш е убаво да добиете подарок кој знаете дека не е подготвен или купен во последен момент, туку напротив некој се потрудил да го направи само за вас многу порано од денот на празникот. Уметничка слика по нарачка, кутија со ситници кои ги сака вашиот партнер или заедничка тетоважа се само некои од идеите за пресонализиран подарок.

Подарок кој не се купува

На крајот секоја романтична и вистинска љубов не зависи од скапи подароци, затоа најдобар подарок е оној кој не можете да го завиткате. Заедничка прошетка во паркот, планинарење, дома зготвена вечера или едноставно рачно напишано писмо се само дел од идеите кои можете самите да ги обмислите и организирате, според омилените работи на вашата љубов.

Незаборавен настан

Концерт на омилената група, изложба или театраска претстава може да биде совршен подарок за партнер кој сака култуно-уметнички настани. Одлична прилика да создадете заеднички незаборавни моменти, кои подоцна ќе ве потсетуваат дека прекрасно сте го поминале Денот на љубовта.

Прочитајте повеќе за Денот на вљубените:

Денот на вљубените: Кој беше Валентин, светецот на романтичната љубов?

Најголемите славни љубови: Љубов која поместува планини и го надминува времето

Љубовта доаѓа преку стомакот: Катерина Алексовска, професионална слаткарка ни открива неколку десерти за сладок св. Валентин