Израелската армија откри тунел што поврзува делови од централна Газа со главниот град

Израелски војници во тунел на Хамас кај Ерез - Фотографија ЕПА, Атеф Сафади

Израелската армија соопшти дека на север пронашла тунел долг десет километри што поврзува делови од централна Газа со главниот град Газа Сити.
Тунелот минува покрај Турската болница во централниот дел и Универзитетот Исра во градот Газа.

Објавени се фотографии и видеа на кои војската тврди дека ја прикажува внатрешноста на тунелот со долги ходници, скали, кревети и оружје, меѓу другото.

Војниците уништија неколку згради во кампусот на Универзитетот Исра во јануари, тврдејќи дека тие биле користени од Хамас за воени цели.

Хамас потврди дека изградил стотици километри тунели низ Газа.

Една од главните цели на израелската офанзива е да се уништи мрежата на тунели за кои израелските лидери велат дека Хамас ги користи за преместување на борците од исламистичката група, транспорт на оружје и залихи на целата територија.

Израел го обвинува Хамас дека користи цивили како жив штит и пронашол многу подземни тунели под џамии, училишта, болници и објекти на ОН.

Некои заложници киднапирани во јужен Израел на 7 октомври за време на нападот на Хамас изјавија дека биле држени во тунели.

Војниците пронајдоа слични тунели низ Газа за време на речиси петмесечната војна.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот