КУЛТУРЕН ПЕЧАТ број 298, во печатеното издание на весникот „Слободен печат“ (13-14.9.2025), во својот стандарден формат на осум страници меѓу содржините од областа на уметноста и културните настани има:

– интервју со вокалистот, гитарист и сонувач Крсте Роџевски: По тишината, музиката е најкраткиот пат до емпатијата

– разговор со писателката и визуелен уметник Александра Нашевска: Човечкиот дух не одекнува со еден единствен глас

– добитници на меѓународната награда „Драги“ за најзначаен превод на книжевно дело од македонски автор се Кристина Е. Крамер и Роли Грау: Достоинствен препев на поезијата на Ацо Шопов

– лауреат на наградата „Прозарт“ на 13. Интернационален литературен фестивал „Про-за Балкан“ е словенечкиот писател Евалд Флисар

– ракописот „Џинџуџе“ на Ермис Лафазановски е победник на првиот конкурс за најдобар необјавен роман за деца и млади „Оливера Николова“

– добитничка на наградата „Даница Ручигај“ на ДПМ за најдобра необјавена поетска книга е Александра Јуруковска со збирката песни „Ткажалки“

– Министерството за култура и туризам покрена интервентна заштита на споменикот „Македониум“ во Крушево

– Скопје танцовиот театар со претставата „Д (како Дездемона“) во кореографија на Рисима Рисимкин на 13 септември ќе настапи на сцената на театарот „Камплој“ во Верона, Италија

– меѓународната уметничка колонија „Арт поинт – Гумно 2025“ на 13 септември организира Отворено студио во селото Слоештица

– во Ликовната галерија на НУЦК „Марко Цепенков“ во Прилеп од 12 септември е поставена изложбата „Украс“ на уметницата Марјана Костојчиноска Узунчева

– издавачот „Матица македонска“ ја објави монографската публикација „Светлосни записи“ на Цветан Гавровски

– во Драмски театар Скопје од 11 до 20 септември се одржуваат Денови на претстави од независната театарска продукција

– во НУ Народен театар Битола почнаа подготовките за претставата „Пламенка“, која се работи според романот на битолскиот автор Петре Димовски, во режија на Софија Ристевска.