60 годишниот Т.Д од тетовско Теарце утринава управувајќи автомобил на регионалниот пат Тетово-Јажинце откако му се слошило изгубил контрола над возилото со кое излетал надвор од коловозот. Лекарите кај возачот на лице место констатирале смрт.

„Утринава во 05.55 часот во СВР Тетово било пријавено дека на регионалниот пат Тетово-Јажинце, кај с.Слатино, патничко моторно возило „даеву“ со тетовски регистарски ознаки, управувано од Т.Д.(60) од с.Теарце, излетало надвор од коловозот. Лекар од Итна медицинска помош констатирал смрт кај возачот, а во службен разговор, сопругата на возачот изјавила дека пред несреќата на Т.Д. му се слошило, по што изгубил контрола над возилото. Извршен бил увид од увидна екипа од полицијата“, соопшти портпаролот на СВР Тетово Марјан Јосифоски.