Бас гитарата Хофнер му е вратена на Пол Макартни повеќе од 50 години откако беше изгубена, а германскиот производител „Хофнер“ ја потврди автентичноста на гитарата.

Гитарата со карактеристична форма на виолина, која Макартни ја купил пред да стане планетарна ѕвезда и наводно била негова омилена гитара, последен пат била видена околу времето кога „Битлси“ го снимале нивниот последен албум, „Let It Be“, пишува „Гардијан“.

Макартни пред 63 години платил 30 фунти за бас гитарата, што е еквивалентно на околу 800 фунти по денешни цени.

Потрагата по гитарата беше започната од проектот „Lost Bass“ минатата година, а во вторникот студентот Руајдри Гост сподели фотографија од инструментот на платформата Икс. Тој тврдел дека ја наследил гитарата и дека му била вратена на Макартни.

To my friends and family I inherited this item which has been returned to Paul McCartney. Share the news. pic.twitter.com/BlKP4L2ELP

— Rassilon Productions (Ruaidhri Guest) (@RassilonP) February 13, 2024

Гитарата Хофнер исчезна во времето кога „Битлси“ се распаднаа, но сега повторно се појави по глобалната потрага, објави „Гардијан“.

Глобална потрага по најважната бас гитара во историјата: Се бара познатиот Хофнер на Пол Макартни