Вечерва е изгласан е новиот Деловник на парламентот. Од 83 пратеници, никој не беше воздржан, а против беа двајца Борислав Крмов и Димитар Апасиев. Собранискиот ден помина во тензичната атмосфера проследена со инциденти во кои двајцата пратеници на Левица Крмов и Апасиев бурно реагираа и ги расфрлаа своите над 2 илјади неприфатени амандмани, a уништија и два монитори и дел од другата техничка опрема.

Претседателот на Собранието, Талат Џафери потоа рече дека на денешната седница е направена материјална штета и е онеспособен системот за работа во пленарната сала.

„Седниците на Собранието до отстранување на штетите ќе се одвиваат во салата Купола“, рече Џафери.