Без ниту еден загубен гем најдобриот македонски тенисер Калин Ивановски стигна до четвртфиналето откако за 53 минути игра го совлада Хрватот Ален Бил со 2:0 во сетови 6:0, 6:0 на фјучрс турнирот во Скопје.

Ивановски в петок за противник ќе го има Мирза Башиќ од Босна и Херцеговина, кој со 2:1 во сетови го совлада Петр Нестеров од Бугарија.

За доминацијата на нашиот тенисер најдобро зборува податокот што учинокот на освоени поени беше 52:20, со искористеност на брејк топки 6/9, додека Бил немаше ниту една брејк топка во мечот. За Хрватот Бил ова беше прв поен во кариерата.

Горазд Србљак претрпе пораз од петтиот носител на турнирот Ерги Киркин од Турција со 6:1 и 6:3 за еден час и 44 минути игра. Србљак за пласманот во второто коло се избори и за еден АТП поен.

Двојки за четвртфиналето:

Калин Ивановски (4) – Мирза Башиќ
Миљан Зекиќ (1) – Ерги Киркин (5)
Неил Оберлеитнер – Саша Вајенбург (3)
Вито Тонејц – победникот од Лазар Војиновиќ/Тоби Мартин