Италијанскиот премиер Џузепе Конте денеска изјави дека карантинот не е прв избор на неговата Влада, бидејќи тоа ќе има сериозни економски последици за земјата и ќе значи отсуство на стратегија за излез од кризата.

Во интервју за весникот „Ла Стампа”, премиерот Конте рече дека Владата е свесна за тежината на ситуацијата, што на моменти е критична, дека е свесна за притисокот врз болниците, но и дека сè уште прават сè за избегнување на целосно затворање.

– Очекувам дека резултатите од последните мерки на Владата ќе бидат видливи во наредните денови и дека кривата на заразата ќе забави, рече премиерот Конте.

Тој ги повика граѓаните на трпеливост, да се придржуваат до мерките за заштита и потврди дека Владата работи на нов пакет мерки за економски најзагрозените од пандемијата.