Првото засилување ова лето на фудбалскиот клуб Струга Трим Лум е италијанскиот голман Марко Анџелети.

Анџелети потпиша професионален договор кој ќе важи до крајот на јуни 2027 година, со опција за продолжување на истиот за уште една година.

Се очекува 24-годишниот чувар на мрежата да додаде конкуренција на голот, но и да донесе нов дух со своето искуство стекнато во Италија, а неодамна и во Гибралтар.

Ги почна фудбалските чекори со тимот на Специја, поминувајќи низ сите возрасни групи, додека како 19-годишник се докажа и со сениорската екипа на Понтедера, за потоа да продолжи со неколку други италијански клубови во пониските категории, додека минатото лето направи трансфер во Европа ФК од Гибралтар.

Барајќи нови предизвици во својата кариера, Анџелети не сакаше да се врати во Италија, прифаќајќи ја понудата на Струга Трим Лум.