Селекцијата на Италија е првиот финалист на Евро 2020 откако по подобро изведување на пенали ја совлада Шпанија со 4:2 откако регуларниот дел и продолженијата беше 1:1.
Херои на Италија во пенал рулетот беа голманот Џанлуиџи Донарума кој го одбрани пеналот на Алваро Мората во четвртата серија како и Жоржињо со чиј гол Италијанците обезбедија пласман во финалето.

Ова ќе биде прво финале за Италија по 2012 година кога во битката за трофејот загуби токму од Шпанија со 4:0.

Во првото полувреме очекувано топката беше во нозете на шпанските фудбалери, додека „азурите“ се определија за дефанзивна тактика, а заканите кон голот на Унаи Симон да бидат преку контранапади.
Првата вистинска шанса за Италија беше во 20 минута кога Симон лошо интервенира, а топката во шеснаесетникот дојде до Барела кој не успеа да упати уадр кон празниот гол бидејќи дефанзивците на Шпанија успеаја да му ја одземат топката.
Само пет минути подоцна, Дани Олмо шутираше од околу 15 метри, но Џанлуиџи Донарума успеа да го одбрани неговиот удар.

Дефанзивната таткита и чекањето шанса преку контрите за малку ќе им се исплатеше на Италијанците во финишот од првиот дел, Лоренцо Инсиње успеа да ги навлече дефанзивците на Шпанија кон себе по што му ја додаде топката на Емерсон кој шутираше и ја погоди пречката.

Во второто полувреме, Италија заигра поофанзивно и таквата игра вроди со плод во 60 минута кога Федерико Киеза со одличен шут од 15-тина метри успеа да го совлада Симон и да им донесе водство на „азурите“.

Потоа, очекувано, тотална доминација на Шпанија, а измранувањето дојде на 10 минути до крајот на регуларниот дел погоди Алваро Мората. Напаѓачот доби одлична топка од Дани Олмо со која излезе сам пред Донарума и не му беше тешко да го совлада и да донесе израмнување.
Во продолженијата и двете репрезентации играа далеку попретпазливо бидејќи влогот беше пласман во финалето на Евро 2020 и поради тоа немаше ниту една сериозна шанса за гол.

Пенал рулетот започна со две промашувања, Симон го одбрани шутот на Локатели, додека Дани Олго го промаши целиот гол. Во втората серија сигурни реализиратори беа Белоти и Морено.
Леонардо Бонучи беше прецизен во третата серија, а сигурен беше и Тијаго Алкантара кој донесе израмнување на 2:2 во третата серија.
Бернардески погоди за 3:2, за потоа Донарума да го одбрани шутот на Мората и да му овозможи на Жоржињо кој со сигурен шут ја однесе Италија во финалето на ЕП.

Во големото финале на ЕП, Италија на 11. јули на „Вембли“ ќе игра со подобриот од второто полуфинале во кое се среќаваат Англија и Италија.