Фудбалерот на Астон Вила и италијански репрезентативец Николо Ѕаниоло ќе го пропушти претстојното Европско првенство поради повреда на стапалото, пренесува „Кориере дело Спорт“.

Ѕаниоло се повреди на натпреварот од 37 коло во Премиер лигата помеѓу Астон Вила и Ливерпул (3:3). Тој влезе во игра во 65 минута, а 14 минути подоцна мораше да го напушти теренот поради повреда.

Италијанските медиуми пренесуваат дека по дополнителните прегледи било утврдено дека играчот на Вила се здобил со тешка повреда на стапалото и ќе биде надвор од терените најмалку еден месец.

Италијанците тврдат дека Ѕаниоло го пропуштил и претходното ЕП кое се играше во 2021 година поради повреда на лигаментите на коленото.

?According to @CorSport

Nicolo Zaniolo yesterday suffered a microfracture to his foot which will keep him out of action for an expected month

This means he WILL forfeit the Euro’s this summer for Italy, just like back in 2020-2021. Another injury for Italy❌ pic.twitter.com/j7lmIE4Zhv

— AzzurriXtra?? (@XtraAzzurri) May 14, 2024

Италија потоа ја освои титулата, откако во финалето по пенали ја совлада Англија со вкупен резултат 4:3.

Ѕаниоло (24) за репрезентацијата на Италија одигра 19 натпревари и постигна два гола.

Европското првенство 2024 ќе се одржи во Германија од 14 јуни до 14 јули, а Италија ќе игра во групата „Б“ со Шпанија, Хрватска и Албанија.