Според новите истражувања, јадењето храна доцна навечер може директно да влијае на нашата регулација на тежината на три начини: преку бројот на калории што ги согоруваме, нивото на глад и начинот на кој нашето тело складира масти, пишува „Саенс алерт“.

Милиони луѓе ширум светот се соочуваат со вишок килограми, па затоа е важно да се знае дека вечерните оброци треба да се избегнуваат. Научниците се согласија дека постои врска помеѓу времето кога го јадете последниот оброк во денот и зголемувањето на телесната тежина , а едно ново истражување дополнително објасни сè.

Шеснаесет учесници со индекс на телесна маса што укажува на дебелина биле подложени на два шестдневни тестови, за време на кои нивните навики за јадење и спиење биле строго контролирани.

За време на првиот тест, тие јаделе три оброци дневно – појадок во 9 часот, ручек во 13 часот и вечера во 18 часот. Според вториот распоред, оброците беа поместени за неколку часа, така што појадокот им бил во 13 часот, ручекот во 18 часот и вечерата во 21 часот.

Примероците на крвта покажале дека нивото на лептин, хормон кој ни укажува дека сме сити, било пониско во текот на оние 24 часа кога испитаниците јаделе подоцна.

Ова покажува на тоа дека тие биле погладни, па имале поголема веројатност да јадат повеќе, а калориите се согорувале побавно. Тоа значи дека подоцнежните оброци доведуваат до складирање на маснотии.

Авторите на студијата, чија истражувачка работа била објавена во „Cell Metabolism“, нагласија: „ Добиените наоди покажуваат конвергентни механизми со кои доцниот внес на оброци може да резултира со позитивна енергетска рамнотежа и зголемен ризик од дебелина“.

Истражувачите сакале да ја откријат врската помеѓу времето на оброците и зголемувањето на телесната тежина, како и да ги откријат биолошките причини зад тоа.

„Сакавме да ги тестираме механизмите кои би можеле да објаснат зошто јадењето доцна го зголемува ризикот од дебелина“, вели научникот Френк Шир од Бостонската болница. Со помош на тестирање и споредување на резултатите, истражувачите објаснија дека во случајот со доцните оброци – комбинацијата на физиолошките и молекуларните механизми го зголемува ризикот од дебелина.

Дебелината може да доведе до други здравствени проблеми, вклучително и дијабетес и рак, така што изнаоѓањето начини за спречување на неговиот развој е многу важно.