Пратеникот на ДПК, Уран Исмаили, изјави дека повеќе од 50 отсто од граѓаните се незадоволни од начинот на кој Косово го води Владата на Албин Курти, пренесува Дукаџини.
Исмаили посочува дека истражувањето на ДПК покажало дека граѓаните се незадоволни од економската стагнација и високите цени на основните производи.

„Мнозинството граѓани веруваат дека Косово е на погрешен пат. Некои се противат на економската стагнација, некои на високите цени. Повеќе од 50 отсто се незадоволни од патот по кој оди Косово, што покажува дека „чуварот“ кому му е доверен правецот на Косово има недоволен рејтинг“, вели Исмаили.

Според него, владата на Курти постигнала најмал успех од сите претходни влади на Косово.