Просториите на граѓанското здружение „Цар Борис Трети“ во Охрид ноќеска биле повторно демолирани, објавија бугарските медиуми.

Инцидентот се случил ноќеска меѓу 01 и 02 часот по полноќ кога прозорците на просторијата биле искршени со камења, по што полицијата извршиле увид. Како што објавуваат бугарските медиуми, одговорен за инцидентот бил 47-годишен жител на Охрид кој во полиција сам признал дека е извршител на делото.

Инаку, ова е втор инцидент во Охрид. Првиот инцидент беше по отворањето на клубот кога беше оштетена таблата, додека внатре имало граѓани.

Претходно, во петокот со торта и свеќа со бројот еден, пита и скара, здржението „Цар Борис Трети“ прославил една година од постоењето. На страницата на клубот беа објавени фотографии од прославата со порака дека на годишнината присуствувале голем број членови, но и пријатели на клубот, а присутни биле и генералниот кознул и дипломати од конзулатот во Битола.