Интерпол ја одбил жалбата испратена преку Интерпол Сараево, по барање на Уставниот суд на Босна и Херцеговина да ја разгледа одлуката да не се издава црвена потерница за раководството на Република Српска, дознава порталот „Проверено“, пренесува РТРС.

Барањето е одбиено со истото образложение како и првиот пат, се работи за политички мотивирана акција и Интерпол согласно член 3 од Статутот не може да распише налог за апсење.

На 2 април, Интерпол одби да издаде црвена потерница за претседателот на Република Српска Милорад Додик и за претседателот на Националното собрание Ненад Стевандиќ.

Потоа, на 16 април, Уставниот суд на Босна и Херцеговина побара преиспитување на таа одлука, но и тоа барање беше одбиено.