По зголемениот број случаи со голема кашлица, зголемен е и интересот за вакцинирање. Во Вакциналниот пункт „Букурешт“ утрово до 11 часот вакцинирани се околу 60 деца, кои ги пропуштиле дозите од редовната вакцина.

Министерот за здравство денеска ќе потпише одлука за епидемија од голема кашлица во Скопје

Доктор Бети Гелејчевска Илковска појасни дека пред да ги вакцинираат децата, родителите најчесто прашуваат зошто да се примаат вакцините во толку рана возраст, кој е производителот на вакцините, кои се несаканите реакции од примената вакцина.

Четири нови случаи на голема кашлица во земјава

Поради големиот интерес за вакцинација, Силвана Миркоска, главна сестра, информираше дека добиле насоки од Министерството за здравство за двосменско работење и в сабота.

Од утрово до 11 часот имавме околу 60 дечиња вакцинирано. Ако вообичаено бројките на дневно ниво ни се меѓу 20 и 30, денеска и тоа засега, бројката ни е двојно поголема. Тука е нели стравот на родителите, но и мерката за забрана во градинките за невакцинираните, изјави Сања Цилевска Младеновска, доктор педијатар.

Епидемија на магарешка кашлица во Скопје: Градинките нема да примаат невакцинирани деца