Државниот санитарен и здравствен инспекторат уште се соочува со граѓани кои треба да се во изолација поради Ковид 19, а кои не ги примаат решенијата за изолација.

Поради тоа денеска во „Слободен печат“објавен е нов список на 52 лица за кои не може да се изврши уредна достава на издадените решенија со наложена мерка од ДСЗИ. Сите лица од списокот се од Скопје.

– Во текот на вчерашниот и на денешниот ден, ДСЗИ го објави списокот на граѓани во Република Северна Македонија кои не ги примиле издадените решенија. Имаше два неуспешни обиди за доставување преку АД Пошти. Постојат уште еден дел на недоставени решенија кои по консултација со правниот тим, по трет пат се испраќаат овој пат преку брза пошта, вели доктор Ирина Сотирова Бухова, директорка на Државниот санитарен и здравствен инспекторат.