Инфлуенсерката Доминик Мекшејн почина на 21-годишна возраст, потврди магазинот „Пипл“, откако на ТикТок го сподели своето искуство од борбата со ракот.

Веста дојде околу една година откако таа рече дека ѝ бил дијагностициран неизлечив рак на дебелото црево во април 2024 година.

На 6 април таа објави емотивна порака на социјалните мрежи за да ги информира своите следбеници дека е при крајот на својот живот. Младата ѕвезда на ТикТок рече дека неодамна добила прогноза која предвидува дека ѝ остануваат само неколку дена до неколку недели живот.

 

View this post on Instagram

 

A post shared by Dominique McShain (@dominiquemcshain)

Нејзиниот црн дроб брзо ѝ откажуваше, а ракот брзо напредуваше. Поради овој развој, Мекшејн премина во болничка нега за да се фокусира на „ублажување на болката и управување со несакани ефекти“, рече таа во соопштението.

@dominiquemcshain So nervous posting this but if you want to follow my journey with colorectal cancer I will be sharing parts of my life here. #cancer #colorectalcancer #incurable #youngcancerfighter ♬ original sound – Dominique McShain

Мекшејн, која живееше во Нов Зеланд, го отвори својот профил на ТикТок во мај 2024 година, неколку недели откако ѝ беше дијагностициран терминален карцином на дебелото црево на 20-годишна возраст.

„Многу сум нервозна што го објавувам ова, но ако сакате да го следите моето патување со колоректален карцином, ќе споделам делови од мојот живот овде“, напиша таа во својата првична објава.

На ТикТок и Инстаграм во текот на изминатата година, Мекшејн го документира нејзиниот третман, како и други животни настани – вклучувајќи ја и нејзината венчавка со партнерот од детството, Шон Сусон на 12 јули 2024 година.