Ако често страдате од киселини во желудникот (рефлукс) и ждригавица, би требало да ви помогне чајот од камилица или нане. Избегнувајте гума за џвакање без шеќер, бидејќи дополнителните засладувачи во неа можат да предизвикаат гасови, надуеност и киселини (ждригавица).

Овие седум намирници чувствителниот стомак добро ги поднесува:

Јогурт

Обичниот незасладен јогурт е добар за грчеви и гасови, но неговите пробиотици помагаат и во спречување на дијареја (пролив). Преку јогуртот воведуваме здрави бактерии кои ја намалуваат и стомачната болка.

Јаболкоб оцет

Јаболковиот оцет може да ги елиминира дигестивните проблеми во случај на недостаток на киселина во желудникот, а бидејќи е доволно концентриран, доволно е да измешате една или две лажици со топла вода и да додадете малку мед. Јаболковиот оцет содржи и витамин Б и Ц.

Ориз

Оризот е храна која лесно се вари, а ја зголемува апсорпцијата на течности. Оризот, во случај на дијареја, може да ја врати столицата во нормална состојба, а помага и во решавање на непријатното чувство во желудникот благодарение на скробот што се „лепи“ за слузницата на желудникот.

Ѓумбир

Ѓумбирот може да помогне во случај на повраќање или гадење. Во топла вода ставете парче ѓумбир и оставете го да отстои неколку минути. Секако, можете да купите и чај од ѓумбир.

Банана

Ова овошје е добро за вознемирен стомак и нормализирање на столицата во случај на дијареја. Бананите содржат и калиум, кој е многу корисен ако не можете да јадете поради непријатност.

Анасон

Анасонот има огромна концентрација на антиоксиданти, а делува одлично дури и ако имате проблеми со гасови. Едноставно изедете половина лажичка семки од анасон или грицкајте свеж анасон ако страдате од надуеност.

Двопек

Речиси нема смисла да се споменува двојно печеното, бидејќи оваа храна речиси секогаш е вклучена во листата на намирници кои помагаат да се отстранат дигестивните проблеми. Намачкајте го со џем, а таквиот оброк нема да го вознемири стомакот, а на телото сепак ќе му го обезбеди потребниот шеќер.