Фудбалерите на Јувентус во наредните часови ќе добијат нов тренер, пренесува Гаѕета дело Спорт од Италија, откако беше одлучено Тијаго Мота да добие отказ.

Првите луѓе на клубот од Торино решија да му врачат отказ на Мота по поразот на домашен терен од Аталанта со 4:0, а потоа и во Фиренца против Фиорентина со 3:0.

Јуве моментно е на петтото место на табелата во Серија А и го чека голема битка за четвртата позиција и пласман во Лигата на шампионите, а титулата практично веќе е загубена.

Наместо Мота, пристигнува поранешниот играч на Јувентус – Хрватот Игор Тудор, кој доброволно се согласи на двомесечен договор, што е нешто невообичаено во светот на фудбалот.

Првичниот план беше да се ангажира Роберто Манчини, но условите не му одговараа на Јувентус, и воедно Манчини сакаше да биде на клупата најмалку две сезони.