Вечерва започнува конечната битка за последните три европски визи за СП во Катар, а поради војната во Украина, селекцијата на Русија е исфрлена од мундијалскиот бараж.

Поради тоа Полска обезбеди директен пласман во финалето на групата Б, додека во второто полуфинале ќе играат Шведска и Чешка. Главниот адут на Шведска и 40-годишниот Златан Ибрахимовиќ кој е тажен поради војната во Украина.

– Многу е тешко да се зборува за војна. Ќе играме фудбал и на тој начин ќе се обидеме да шириме позитивна енергија и љубов. Трагично е тоа што се случува во Украина и такво нешто не смее да се случува. Во 2022 година не работите би требало да се решаваат на нормален начин, а не да мора луѓето да патат. Само што излеговме од пандемија ни се случува војна. Сакам да бидам позитивен и да ширам љубов. Јас сум против војната – изјави Ибрахимовиќ.