Ибрахимовиќ: Направивме грешка и им се извинуваме на навивачите на Милан
Пауло Фонсека доби отказ во Милан, а сега за тоа се огласи и Златан Ибрахимовиќ, оперативецот на овој италијански фудбалски клуб.
Препорачано
– Одлуката за отказ дојде веднаш по натпреварот со Рома. Направивме грешка што го пуштивме на прес-конференција и сега им се извинуваме на навивачите. Би сакал да му се заблагодарам на Пауло за тоа колку професионален беше за време на мојот престој овде. Тој ја има мојата целосна почит за тоа. Причина за отказот беше неконзистентноста во резултатите. Кога си во Милан, резултатите се многу важни. Несреќни сме што не ги постигнавме нашите цели. Првиот и следен чекор е освојување на Суперкупот на Италија – изјави Ибрахимовиќ.
Замената на Фонсека беше избрана за само неколку часа. Сержо Консеисао брзо се договори за соработка со Росонерите.
– Одговорноста за неуспехот не оди само на душата на тренерот, туку на сите нас во клубот. Добро или лошо, Милан секогаш мора да биде подготвен за следниот чекор. Сега ви го претставуваме Сержо Консеисао. Секој знае кој е тој. Има карактер на победник, многу е директен. Во Порто беше добар, забележа одлични резултати – рече Ибрахимовиќ.
Милан моментно оваа сезона во Серија А се наоѓа на осмото место со 27 бодови, 14 помалку од водечките Аталанта и Наполи.
