Овој период се активира прашањето дали Хари Кејн летово ќе го напушти Тотенхем со кој има договор до 30 јуни 2024 година.

Вчера после поразот на домашен терен од Астон Вила (1:2), англискиот репрезентативен напаѓач сам одвоен од тимските колеги им аплаудираше на навивачите на трибините и веднаш тамошните медиуми започнаа со шпекулации за негово заминување од клубот.

27-годишниот Кејн е еден од најдобрите стрелци во Европа и светот, со бројни индивидуални признанија, но недостасуваат трофеите кои посакува да ги има.

Со Тотенхем беше двапати финалист во Лига купот, а беше и финалист во Лигата на шампионите во сезоната 2018/2019. Најновите информации велат дека први фаворити за неговиот потпис се Манчестер сити и Манчестер јунајтед.

Во разговор со Гери Невил од „Скај Спортс“ истакна дека уште доста да понуди на терените и дека уште подобри бројки можат да стојат покрај неговото име.

– Не ја кријам желбата дека сакам да бидам најдобар. Планот ми е да се обидам да го достигнам нивото на кое се Роналдо и Меси. Крајната цел ми е да освојувам трофеи секој година, а по сезона да постигнувам 50, 60 или 70 голови – рече Кејн.

Хари Кејн е одлучен да го напушти Тотенхем, ја одби последната понуда за продолжување на договорот

Моментно според „Трансфермаркт“ вреди 120 милиони евра, од друга страна познато е колку сопственикот на Тотенхем, Даниел Леви умее да биде тежок преговарач:

– Да бидам искрен, не сум сигурен како ќе се одвива нашиот разговор, но не е Дани Леви кој одлучува за мојата судбина, тоа сум јас. На крајот на краиштата, јас сум во клубот од 16-та година, се надевам дека сепак, преку искрен разговор би можеле да утврдиме што е најдобро за сите.

Мислам тој би сакал да ме продаде. Можеби тој размислува во стилот: „Доколку добијам 100 милиони фунти за него, зошто да не?“ Знаете што сакам да кажам. Бидејќи, за две или три години, нема да вредам толку – додаде Кејн.