На 53 години, поранешниот светски шампион во бокс во тешка категорија Мајк Тајсон се подготвува за враќање во рингот.

И покрај тоа што одамна е во пензија, Тајсон вели дека е во најдобра форма во својот живот.

Како што е веќе познато, планира да учествува во хуманитарни борби кои траат четири рунди.

Но, гледајќи ја снимката од неговите тренинзи споделена на социјалните медиуми, изгледа подготвен и за 12 рунди.

Неговите удари и на 53-годишна возраст изгледаат застрашувачки, кои му донесоа многу победи своевремено во професионалната кариера. Имаше вкупно 58 борби, со учинок од 50 победи, од нив 44 реализирани со нокаут.