Се ближи денот кога ќе се знае дали Доналд Трамп повторно ќе стане првиот човек на САД. Претседателските избори се во тек, а неговата сопруга Меланија Трамп го темпираше објавувањето на своите мемоари неколку недели порано, за да се „крене прашина“.

Иако во книгата потпишана од Меланија Трамп може да се прочита дека таа во многу работи не се согласува со сопругот, сепак е негов најголем поддржувач и го бодри заедно со децата од претходните бракови.

И откако Трамп првпат стапна во Белата куќа, се шпекулираше дека Меланија не е во најдобри односи со неговата постара ќерка Иванка Трамп која ја доби од бракот со Ивана Трамп, а притоа важи за амбициозна и моќна жена полна со самодоверба која се придржува до традиционалните вредности, но знае и да командува.

Иванка е миленичка на Трамп, сепак, иако таа великодушно ја пречека Меланија кога таа се приклучи на големото семејство, некои работи се сменија кога Доналд стана првиот човек на САД.

Иванка наводно апелирала Канцеларијата на првата дама да се преименува во Канцеларија на првото семејство, но сопругата на Трамп не дозволила.

„Иванка се однесуваше како Белата куќа да е нејзиниот дом, а на Меланија тоа ни малку не и се допадна. Кога таа и синот Барон конечно се вселија, таа стави крај на сите каприци на Иванка“, напиша Мери Џордан во својата книга за Меланија Трамп, „Уметноста на нејзиниот договор“.

Притоа откри дека иако не зборува премногу, сепак нејзиното мислење премногу ценето.

„Меланија се држи настрана, но е неверојатно влијателна. Таа не е од оние кои ќе одлучуваат кој ќе биде отпуштен, а кој ќе се вработи. Сепак, таа јасно го кажува своето мислење за се, што има посебна тежина и значење кај претседателот “.

Во неовластената биографија на Меланија, авторот напишал дека сопругата и ќерката на Трамп „суптилно навредуваат“. Наводно, Меланија ја нарекува Иванка „принцеза“ затоа што е разгалена, а Иванка ја нарекува Меланија „портрет“ затоа што „кажува колку слика на ѕидот“.

Упатените велат дека постои длабок јаз меѓу децата на Трамп и неговата сопруга, но сите заедно се трудат да одржат поинаков имиџ во јавноста – имиџ на среќно семејство.