Докуметарецот на Нетфликс за Џефри Епстин, еден од најконтроверзните милијардери кој на 10. октомври минатата година е пронајден мртов во затворската келија на Менхетн, открива нови детали за неговиот развратен живот.

Имено, 70-годишниот Стив Скали кој се појавува во документарецот, а кој долго работел на островот на Епстин наречен Литл Сејнт Џејмс, кој во медиумите доби озлогласени имиња како „Остров на оргии“, „Педофилски остров“, „Остров на гревот“; изјави дека на тој остров време поминувал и поранешниот американски претседател Бил Клинтон.

Клинтон и претходно призна дека патувал со приватниот авион на Епстајн наречен „Лолита експрес“ познато по тоа што е користен и за нелегални сексуални активности со малолетнички и нивниот транспорт. Тој, меѓутоа тврдеше дека не бил на „Островот на оргии“.

Скали вели дека видел и други познати лица како доаѓаат и си одат од островот, но во текот на посетата на Клинтон на островот, таму немало никого.

Во документарецот се појавува и Дејвид Шоен, адвокат на Епстин кој требаше да го брани од обвинувањата за сексуална трговија со малолетнички.