Хрватскиот министер за здравство Вили Берош ги посети пациентите во Ургентниот центар во  Загреб кои беа примени во болница поради труење од газирани пијалоци.

„Во моментов имаме три случаи, еден е полесен, веќе е пуштен на домашно лекување. Еден пациент имаме во Риека и еден во Загреб. Сите институции си ја вршат работата, немам нови информации“, рече Берош.

Тој додаде дека се водат истраги.

„Поинаква беше ситуацијата до попладнето кога имаше еден пациент, а сега имаме три случаи на слични повреди. Во тек се истраги. Немаме други совети и препораки освен општо предупредување да внимавате што пиете. Во Риека почнаа да дејствуваат полицијата и обвинителството. Утре треба да имаме прелиминарни резултати од примерокот. Коча-кола секако е контактирана од надлежните служби“, рече министерот.

На граѓаните им порача:

„Општото предупредување е да не пиете никакви пијалоци, во секој случај секогаш е најдобро да пиете вода.