Хрватската Влада ќе го разгледува предлогот на Генералштабот на вооружените сили на Хрватска и Министерството за одбрана за воведување на задолжителен воен рок.

Потпретседателот на хрватската Влада, Томо Медвед изјави дека е неопходно да се воспостават одредени модули на задолжителен воен рок и најави дека конечниот предлог ќе биде доставен на јавна консултација.

Во однос на уставната одредба за приговор на совеста, Медвед посочи дека, покрај класичната компонента на воениот рок, постои и компонента неопходна за секое општество, вклучително и хрватското, во која преку одредени облици на служење би биле обучени за други должности.

– Јавната дискусија подразбира вклучување на сите аспекти, сите учесници во процесот на одлучување, како што е вообичаено случај при секое носење законски или подзаконски акти. Сите актери кои учествуваат во тој процес се поканети на активно учество, т.е. активен придонес и давајќи свои мислења, сугестии и ставови, посочи Медвед.