Три холандски фудбалски екипи пилот проекти за тестирање на употребата на паметна технологија во борбата против дискриминацијата и расизмот на стадионите, објави Фудбалската федерација на Холандија (КНВБ). Трите екипи што учествуваат во проектите се Феенорд, ПСВ и Цволе.

– По една година треба да откриеме дали и како паметната технологија препознава расистичко однесување и дискриминација и дали придонесува за идентификација на инволвираните – стои во соопштението на КНВБ,

ПСВ ја тестира употребата на звучни камери на стадионот за да може  благодарение на вештачката интелигенција, да се открие „ненормален“ звук, како што е расистички коментар.

Навивачите на Цволе можат да дојдат на натпреварите со билети на нивните мобилни телефони, достапни преку мобилна апликација која на навивачите им дава информации во реално време за безбедносните услови околу стадионот.

– Други техники, вклучително и вештачката интелигенција, исто така ќе се користат за подобрување на социјалната безбедност на стадионот – соопшти КНВБ.

Пилот проектите се кофинансирани од Министерството за здравство, социјална политика и спорт, кое во нив инвестираше повеќе од еден милион евра.

Тие се дел од поголемиот план наречен „нашиот фудбал им припаѓа на сите“, кој беше лансиран по расистичкиот испад на навивачите на Ден Бош во 2019 година против поранешниот играч на Ексцелзиор, Ахмад Мендес Мореира, кој теренот ги напушти во солзи.

Студија во која учествувале 118 професионални фудбалери што настапувале во Ередивизијата, покажала дека 40 отсто од нив доживеале навреди на расна основа или други виови на дискриминација, објави весникот „Алгемен Дагблад“.