Холандската принцеза Амалија се откажува од своето право на годишен приход: Одбила 1,6 милиони евра
Принцезата Амалија, наследничка на холандскиот престол, се откажа од своето право на годишен приход, бидејќи ако прифатела, како што изјави, ќе се чувствувала непријатно.
Препорачано
Најстарата ќерка на кралот Вилем-Александар му напишала на премиерот Марк Руте дека сака да се откаже од правото на 1,6 милиони евра за лични трошоци.
Таа неодамна го положила својот матурски испит и во писмото навела дека не сака да добива пари додека не ги добие соодветните кралски должности.
View this post on Instagram
17-годишната Амалија изјавила дека по завршувањето на училиштето има намера да паузира една година, а потоа да ги започне студиите.
„На 7 декември 2021 година ќе имам 18 години и, според законот, ќе добијам додаток“, напишала Амалија во писмото објавено од холандската јавна телевизија „Nos“.
„Мислам дека би било непријатно додека не правам ништо, додека на другите студенти им е многу потешко, особено во овој период на коронавирус“, додала таа.
View this post on Instagram
Амалија изјавила дека нема да бара 1,3 милиони евра се додека нема големи трошоци во улога на принцеза.
Холандската јавна телевизија наведува дека ова е првпат член на кралското семејство да одбие да побара плата и надомест на трошоците.
Имено, холандската монархија ја надмина Британија како најскапа во Европа, откри истражувањето спроведено од 2012 година, пишува „The Guardian“.
View this post on Instagram
Минатата година, холандската влада одобри кралски буџет од 47,5 милиони евра за 2021 година, не вклучувајќи ги трошоците за државни посети или одржување на палатите, при што кралот Вилем-Александар доби плата од 998 000 евра и 5,1 милиони за службени трошоци.
Неговата сопруга Максима доби 1,1 милиони евра, поранешната кралица Беатрикс 1,7 милиони, а Амалија 1,6 милиони евра.
