Седум дена по Светското првенство во Залбах, швајцарските скијачи потврдија дека моментно се во најдобра форма.

Сите три места на подиумот на домашната трка во спуст во Кран-Монтана им припаднаа на Швајцарците, најбрз беше актуелниот светски шампион Франц фон Алмен.

Лидерот на Светскиот куп Марко Одермат го зазеде второто место со 13 стотинки заостанување, додека трет беше Алекси Моне со 42 стотинки зад победникот.

Трката се возеше на сосема нова патека, Национале, која беше изградена за Светското првенство што ќе се одржи во Кран-Монтана за две години.

Во борбата за големиот Кристален глобус, Одермат и натаму води убедливо, пред Кристоферсен и Мајер.