Најдобриот македонски ракометар Кирил Лазаров нема да биде во можност да настапи на Европското првенство во Унгарија и Словачка, што за Македонија стартува вечерва со дуелот против Словенија од 18 часот во рамки на Групата А.

Десниот бек се повреди во текот на вчерашниот ден на првиот официјален тренинг.  По прегледите направени од нашиот медицински тим констатирано е дека се работи за повреда на спојот на два мускули на левата потколеница. Потребно е мирување од три недели.

Лазаров на ЕП сега ќе биде само во една улога, како селектор од клупата ќе ја предводи репрезентацијата, но за жал нема да може да помогне на теренот како играч.