Хејли Бибер го држи својот син Џек, кој го доби со пејачот Џастин Бибер, подалеку од родителите поради тензиите меѓу нив. Имено, тие не се согласуваат околу верските и политичките убедувања. „Односите на Хејли со нејзиното семејство се влошуваат веќе некое време. Таа беше поблиска со нејзината мајка, но тоа почна да се влошува кога забремени, бидејќи не сакаше да им каже на семејството со месеци“, изјави извор за „Дејли Мејл“.

„Хејли се скара со нејзиното семејство кога нејзиниот татко ги замоли луѓето да се молат за неа и за Џастин. Таа му рече дека не сака тој да се меша во нејзиниот живот, а нејзиниот татко Стивен ѝ рекол дека таа немало ни да го познава Џастин ако тој неги запознал“, додаде изворот.

Младата мајка неодамна даде интервју во кое призна дека не е толку блиска со семејството како порано. „Во овој момент од животот не сум многу блиска со моето семејство. Сега сум своја личност и изградив свое семејство. Но, кога ќе погледнам наназад на моето детство и како пораснав, имам многу прекрасни спомени“, ги пренесува „Дејли Меил“ зборовите на Хејли.

Изворот објаснува дека Хејли се чувствува како нејзините родители и сестра да се против неа, а нејзините различни религиозни и политички убедувања придонесуваат за тоа. Познато е дека Стивен и Кенија се христијани и дека многу практикуваат религија, а не е тајна дека Стивен го поддржува Доналд Трамп, додека неговата помала ќерка ја поддржува Камала Харис.