Поранешниот холивудски продуцент Харви Вајнстин повторно е префрлен од затвор во њујоршката затворска болница поради повеќе болести, вклучително и коронавирусот, поради кој има двојна пневмонија, соопштија неговите претставници.

Вајнстин моментално отслужува затворска казна за силување во Калифорнија и го чека повторното судење за обвиненијата за силување во Њујорк.

Овластениот претставник и консултант на Вајнстин, Крег Ротфелд, рече дека тој бил префрлен во затворска болница во четвртокот поради дијабетес, висок крвен притисок, болест на ‘рбетот, течност во срцето и белите дробови, како и двојна пневмонија предизвикана од коронавирус, пишува „Ројтерс“.

Вајнстин, кој неколкупати бил хоспитализиран во затворската болница, негираше дека ги извршил силувањата, наведувајќи дека имал согласност од лицето за кое е обвинет за силување.

Судењето за тие обвиненија би можело да продолжи пред судот на Менхетен веќе во септември. По пресудата на Вајнстин, повеќе жени обвинија стотици мажи од областа на шоубизнисот, медиумите, политиката и други полиња за сексуално и недолично однесување.