Пред стартот на НБА плеј-офот, Џејмс Харден, кошаркарот на Лос Анџелес клиперс, се огласи пред натпреварот против Денвер нагетс, кој е закажан за 21.30 часот.

НБА ѕвездата верува дека Јокиќ е моментално најдобриот кошаркар на планетата, но:

– Нашата одбрана мора да биде одлична, секако, имаме работа со Никола Јокиќ, кој е движечката сила зад Денвер нагетс – рече Харден.

На прашањето дали Јокиќ е најдобар во светот оваа година, Харден изјави:

– Тој е. Да. Да. Тој е најдобар на светот и сите можат да го видат тоа, но мислам дека Шеј Гилџес-Александер заслужи да биде МВП (најкорисен играч) оваа година бидејќи Оклахома имаше најдобар учинок и тој е најдобриот играч во тој тим. Тој даде најмногу поени и тоа, но ако зборуваме за најдобриот играч и влијанието врз играта, тогаш сè е јасно – објасни Харден.