Хамилтон се уште го боли трката во Абу Даби: Јасно е дека бев ограбен!
![](https://www.slobodenpecat.mk/wp-content/uploads/2024/04/11989758.jpg)
Седумкратниот светски шампион, Луис Хамилтон повторно ја коментираше познатата трка од 2021 година во Абу Даби. На таа трка возачот на Мерцедес во последниот круг ја изгуби титулата, по контроверзната одлука на тогашниот директор на ФИА, Мајкл Маси.
Таа одлука ја искористи Холанѓанецот Ферстапен кој го помина Хамилтон и победи, а од тој момент и започна неговата доминација.
„Дали сум ограбен? Јасно е дека сум. Сите знаете што се случи. Ми помогна што мојот татко беше со мене во тој момент, ми зборуваше дека можам да ја кренам главата и покрај се“, истакна Хамилтон.
Британецот зборуваше и за моментите по трката.
„Му честитав на Макс и знаев дека сите ме гледаат мене. И понатаму чувствувам болка кога ќе ја гледам таа трка, но можам да се носам со тоа“, објасни британскиот возач.