Хакерството и лажните вести се современи црни искуства, изјави за БТА Жоро Пенчев, експерт за дигитални технологии и општествени науки, истражувач на урбани политики и иновации. Тој беше меѓу говорниците на првиот научен фестивал во Варна.

Ова е веста на денот од Република Бугарија, избрана на Бугарската телеграфска агенција (БТА) за објавување од МИА, согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат директно избрана од другата агенција вест на денот на соодветната земја, а другата агенција да ја објави на својот интернет сајт без промени со изрично посочување и цитирање на партнерот како извор.

Организатор на тридневниот форум, чиј медиумски партнер е БТА, е Фондацијата Beautiful Science. За време на фестивалот, жителите на Варна имаат бесплатен пристап до 40 настани за деца и уште 20 за возрасни. Оние кои покажуваат интерес за науката имаат можност да учествуваат на различни работилници и да слушаат предавања на разбирлив јазик од различни области – од астрономија, преку медицина и роботика, до готвење.

Кога секојдневно ја користиме технологијата, не секогаш сфаќаме како подлегнуваме на „темната“ страна, коментира Жоро Пенчев, кој е и претставник на списанието за фанстастита и футурологија „ShadowDance“. Тој нагласи дека ова важи не само за хакерски напади, туку и за лажни вести на веб, дезинформации, кои дозволуваат различни видови манипулации.

Специјалистот го истакна кибер насилството, особено меѓу децата, како сериозна опасност. Младинската психа во релативно токсична интернет средина може да биде оптоварена долгорочно, смета тој. Според него, огромен проблем е тоа што кибер насилството се случува многу брзо и тешко е да се реагира против него, бидејќи во повеќето случаи луѓето кои го спроведуваат се анонимни. Во виртуелното опкружување се случува нешто што тешко се гледа во физичкиот свет – толпата против една личност, истакна Пенчев.

Според него, проблем за земјата е што се уште нема доволно механизми за помош на настраданите. Постојат класични телефонски линии на кои луѓето се подготвени да дадат поддршка, но институциите – државни и локални – треба да се вклучат во овој проблем, посочи експертот. Тој додаде дека младите треба да знаат дека најдобар начин да се заштитат е да комуницираат и кога нешто им пречи да споделуваат, но само со блиски луѓе на кои им веруваат, а не на интернет.

На земјата сè уште и недостига институционален капацитет да ги обучи младите за безбеден интернет, рече Пенчев. Според него, добро е што постојат организации кои се занимаваат со овој проблем, но тие не можат да допрат до сите млади во државата.

На прашањето дали и вештачката интелигенција нема да биде дел од современата црна магија, експертот рече дека „духот тешко може да се врати во шишето“. Вештачката интелигенција веќе е меѓу нас и треба да бидеме свесни за тоа, додаде тој.