Еден од најдобрите фудбалери на селекцијата на Романија Јанис Хаџи, синот на легендарниот Георге Хаџи, е оптимист и смета дека неговата репрезентација со победа ќе ги стартува квалификациите за СП 2022 година. Романија утревечер (20.45 ч.) на Националната Арена во Букурешт ќе игра против Македонија.
– Сите репрезентации си имаат свои желби во квалификациите, и сметам дека во нашата група ќе решаваат нијанси. Нас не очекува првиот натпревар со Македонија, селекција која ќе игра на Евро 2021, а наше е да се обидеме да победиме и ќе направиме сѐ за да дојдеме до триумф. Подготвени сме за предизвикот, веруваме во победа, а јас верувам и убеден сум дека во оваа 2021 година ќе видите една многу подобра и нова Романија – изјави Хаџи на прес-конференцијата во пресрет на натпреварот со Македонија.