Најдобриот српски тенисер Новак Ѓоковиќ не играше на помалите турнири на трева во пресрет на Вимблдон, но прифати да учествува на егзибицискиот меч во Харлинген, каде што играше попладнево.

Негов ривал беше Карен Хачанов, кој беше подобар и победи со 2:0, во сетови 7:6, 6:4.

На официјалните турнири, Ѓоковиќ и Хачанов се сретнаа 10 пати, српскиот тенисер победи во девет дуели, а денеска Хачанов го забележа својот втор триумф против Ѓоковиќ, иако ова беше егзибициски меч.

Во текот на првиот сет се водеше израмнета борба, па одлуката дојде во тај-брејк, каде што Хачанов беше поконцентриран и победи со 7:4.

Во вториот сет, Ѓоковиќ имаше неколку брејк-топки, но не ги искористи, па казната дојде на крајот од мечот, кога Хачанов успеа да дојде до одлучувачки брејк и да го добие мечот.