Пеп Гвардиола на почетокот од сезоната најави дека ќе го одработи договорот со Манчестер сити до крај, а потоа би сакал да стане селектор, но најверојатно тоа нема да биде Шпанија.

Договорот на Гвардиола истекува во јуни 2023 година, а весникот „Мирор“ пишува дека уште сега му пристигнала понуда да седне на клупата на репрезентацијата на Холандија.
Човек за врска е братот и агент на Пеп, Пере Гвардиола кој неодамна стана партнер со менаџерска агенција од Холандија.

Холанѓаните во Пеп Гвардиола го гледаат идеалниот наследник на фудбалската филозофија на легендарниот Јохан Кројф.
Изминатите години, Пеп Гвардиола се споменуваше и како можен селектор на Аргентина, додека во Шпанија засега не се зборува гласно за негов ангажман.