Пеп Гвардиола ја отфрли можноста во блиска иднина да седне на клупата на фудбалската репрезентација на Бразил.  Менаџерот на Манчестер сити пред утрешното дерби против Ливерпул, ги демнтираше шпекулациите дека е идниот селектор на Бразил.

– Не знам како луѓето можат да измислат вакви работи. Моите мисли се насочени само кон Манчестер Сити и за тоа како да имаме добар крај на сезоната. Исто така читав и за казните кои не очекуваат поради прекршување на финансискиот фер-плеј, но не верувам во тие работи. Сакаат да не вознемират, да не исфрлат од ритам, но нема да им помине тоа – рече Гвардиола.

Пред неколку дена шпанскиот спортски весник „Марка“ објави дека актуелниот селектор на Бразил, Тите, ќе си замине од функцијата по завршување на Светското првенство во Катар и челниците на Федерацијата го сакаат Гвардиола за нов селектор.

Наводно, Гвардиола добил и конкретна понуда, договор до 2026 година и годишна плата од 12 милиони евра.