Гундоган: Не ја потценивме Македонија, едноставно не бевме доволно добри!
Капитенот на германската репрезентација, Илкај Гундоган не може да сфати што се случи со неговите соиграчи вечерва против Македонија.
Препорачано
Нашата репрезентација го шокираше четирикратниот светски шампион славејќи со 1:2 на теренот во Дуизбург.
– Не знам како да објаснам, не е лесно. Знаевме дека не можеме да го потцениме противникот и мислам дека тоа не го направивме. Едноставно не бевме доволно добри вечерва и мораме да бидеме пдообри во нападите, во спротивно вака може да биде и во наредните дуели – се зборовите на Гундоган на официјалниот веб сајт на УЕФА.
Свој коментар имаше и неговиот репрезентативен колега, Серж Гнабри:
– На овој меч влеговме како јасни фаворити и создадовме многу шанси. Примивме први гол, се вративме, но сме разочарани што не направиме нешто додатно. Знаеме дека мораме да бидеме подобри кога доаѓаме до шанса, но јас не сум загрижен пред ЕП, а до истото има доста да се работи. Значи, вечерва не ги реализиравме шансите, противникот ни ја отежни играта, но јас очекувам од нас да постигнуваме голови со ваква доминација која ја имавме.
ВИДЕО: Тие се нашите фудбалски херои, еве како се слави во соблекувалната!
