Денеска селекторот на Грузија, Мирослав Вајс го објави списокот на фудбалери за плеј-оф финалето од Лигата на нации (Лига „Д“) за пласман на наредното Европско првенство против Македонија.

Дуелот е закажан за 12 ноември 2020 година во Тбилиси, а Грузијците ќе играат без двајца стандардни репрезентативци, Георгиј Чакветадзе (Гент) и Отар Китеишвили (Штурм) кои се повредени.

Вајс повика вкупно 29 имиња за ноемврискиот циклус, а во составот има и дебитант, 22-годишниот напаѓач од Ротор, Бека Микелтадзе.

ГОЛМАНИ: Гиорги Лорија (Анортозис), Георгиј Макаридзе (Алмерија), Лазаре Купатадзе (Сабуртало)

ОДБРАНА: Гурам Кашија (Сан-Хосе Ертквејкс), Отар Какабадзе (Тенерифе), Давид Хочолава (Шахтјор), Гиа Григалава (Арсенал Тула), Соломон Кверквелија (Ротор), Мамука Кобакидзе (Динамо Батуми), Гиорги Наваловски (Динамо Батуми), Табидзе (Уфа), Лаша Двали (Ференцварош).

СРЕДЕН РЕД: Џаба Канкава (Тобол), Ника Квеквешкири (Тобол), Гиорги Абурџанија (Овиедо), Муртаз Даушвили (Анортозис), Леван Шенгелија (Коњаспор), Квича Кварацшкелија (Рубин), Зурико Давиташвили (Ротор), Валеријан Гвилија (Легија), Џаба Џигаури (Динамо Батуми), Гиорги Папунашвили (Сарагоса)

НАПАД: Гиорги Квилитаја (Анортозис), Торнике Окриашвили (Анортозис), Валери Казаишвили (Сан Хозе Ертквејкс), Елгуџа Лобјанидзе (Кајсар), Ника Качарава (Лех Познањ), Бека Микелтадзе (Ротор)

Според најавите нашиот селектор Игор Ангеловски в петок (6 ноември) ќе го објави списокот на играчи на кои ќе смета за натпреварот против Грузија.