Познатиот шоумен Игор Џамбазов во емисијата „Претрес со Ландов“ се потсети дека со експремиерот Никола Груевски настапувал во претставите „Чија си“ и во „Грев или шприцер“.

— Тој уживаше во тоа. Беше вљубеник во театарот. Имаше сцена во „Грев или шприцер“, во која Груевски ме носеше на ушка кога ме испраќаа во војска. Не знам дали сега оди во театар, чуден е јазикот таму — рече Џамбазов.

Шоуменот не верува дека ќе дочека да настапи во реновираната Универзална сала, во која има најмногу настапувано.

— Не требаше таа да се урива, таа се самозапали — рече Џамбазов чијашто голема желба е повторно да заживее Универзална сала.

Пејачот говореше и за неговиот обид да влезе во политиката, велејќи дека освоил повеќе гласови од Павле Трајанов и Васил Тупурковски заедно.