
Грета Тунберг ќе стане „регистриран бренд“
Шведската активистка против климатските промени ги најави плановите да го регистрира своето име и марката „Friday for Future“ за да спречи комерцијална експлоатација.
-Моето име и движењето #FridaysForFuture постојано се користат во комерцијални цели без никаква согласност, во маркетинг проекти, продажба на производи, од луѓе кои собираат и заработуваат пари во мое име и во име на движењето, објаснува 16-годишната активистка, Грета Тунберг.
Препорачано
На својот Инстаграм профил, Грета ја кажа причината за својата одлука: „Се пријавив да го регистрирам моето име, и името FridaysForFuture, како трговски марки со цел да го заштитам движењето и неговите активисти“.
Тунберг а првпат станала позната со својот активизам во 2018 година, а во мај 2019 година, беше претставена на насловната страница на магазинот „ Тајм “, кој ја прогласи за „водач на следната генерација.
Шведската активистка, исто така, неодамна објави дека основала Фондација заедно со своето семејство која, како што прецизира, е „веќе регистрирана“, но сè уште не е во функција“.
– Станува збор за сосема непрофитна фондација, додала Грета, потенцирајќи дека управувањето со парите (за права на книги, донации, парични награди) ќе биде на целосно транспарентен начин. -Кога фондацијата ќе биде оперативна, ќе ви кажам повеќе за неа и работата. Целта ќе биде промовирање на еколошка, климатска и социјална одржливост, како и ментално здравје.