Граѓаните да пријават во ЕВН или на бројот 112 доколку забележат лабави жици од бандерите за струја, повика директорот на Дирекцијата за заштита и спасување, Стојанче Ангелов.

Тој предупреди дека жиците претставуваат потенцијална опасност за појава на пожари.

„Сите знаеме од физика дека телата при загревање се шират но жиците се издолжуваат и на средината се допираат, летаат искри паѓаат во сувата трева и за миг пожарот се шири“ објасни Ангелов и се пошегува дека ова толкување ќе му го извадат на социјалните мрежи.

Тој вели дека екипите на ЕВН не можат постојано да ги контролираат жиците, особено во некои напуштени села.